«Бала қорғау бұрышын» ұйымдастыру, бала құқығын қорғау бойынша стендтер орналастыру

05.10.2026 жылы «Бала қорғау бұрышын» ұйымдастыру және бала құқығын қорғау бойынша стендтерді орналастыру жүзеге асырылды.   Стендтер білім беру және тәрбиелеу мекемелерінде (мектептер, балабақшалар, колледждер) құқықтық ақпараттандыру жұмысын жүйелеуге арналған. «Бала қорғау бұрышы» мен ақпараттық стендтер балалардың құқықтық сауаттылығын арттыру, олардың құқықтары мен міндеттерін түсіндіру, сондай-ақ қиын жағдайға тап болған балалар мен ата-аналарға психологиялық, құқықтық көмек алу нүктелерін көрсету мақсатында ұйымдастырылады. Стендтер балалардың құқықтық мәдениетін қалыптастыру, зорлық-зомбылықтың алдын алу және шұғыл көмек алу мүмкіндіктерін кеңінен насихаттау мақсатында орналастырылды. Стенд тақырыбы: «Заң мен тәртіп – ел дамуының негізі». Стендтің атауы анық, тартымды және балаларға да, ата-аналарға да түсінікті.. Стенд ақпараттық блоктарға бөлінген.

1-блок: Нормативтік-құқықтық негіздер (Қысқаша)

Балалар мен ата-аналар өз құқықтарының қандай заңдармен қорғалатынын білуі тиіс:

• БҰҰ-ның Бала құқықтары туралы конвенциясы.
• Қазақстан Республикасының Конституциясы (балаға қатысты баптар).
• ҚР «Бала құқықтары туралы» Заңы.

2-блок: Баланың негізгі құқықтары мен міндеттері

Құқықтар мен міндеттердің тепе-теңдігін көрсету маңызды. Оны суреттермен, инфографикамен берген жөн:

• Құқықтары: Өмір сүруге, білім алуға, денсаулықты сақтауға, демалуға, өз пікірін білдіруге, зорлық-зомбылықтан қорғалуға құқығы.
• Міндеттері: Мемлекет заңдарын, мектеп ережелерін сақтау, үлкендерді сыйлау, оқуға жауапкершілікпен қарау, қоршаған ортаны қорғау.

3-блок: Мектеп формасына қойылатын талаптар.

• Ұл балалардың мектеп формасы.
• Қыз балалардың мектеп формасы.

Стенд мектептің  фойесінде (кіреберісінде)— адам көп жүретін, жақсы жарықтандырылған жерде орналасқан.