Бала еңбегінің ең нашар түрлерінің алдын алу
Бала — бұл әке-шешенің перзенті, ұрпағы. Ал еңбек — адамның аянбай тер төгіп әрекет етуінің нәтижесінен болатын адал ақы.
Бала еңбегі мәселесі бүкіл әлемде, оның ішінде дамушы елдерде де орын алып отыр. Бала еңбегі баланың дене мен психоәлеуметтік дамуына үлкен, кейде оңалмайтын нұқсан келтіреді. Жас мөлшеріне сай емес ауыр еңбекке әдетте тұрмыс деңгейі төмен отбасыларының немесе жастайынан жетім қалған балалар араласады.Негізінен, әрбір тұлға 18 жасқа толғаннан бастап еңбекке қабілетті болып саналады. Еңбек кодексі бойынша жұмысқа қабылдау үшін ең төменгі жас – 16 жас. Дегенмен 15 - ке толған азаматтар орта білім беру мекемелерінде білім алған жағдайда, ата - ананың бірінің, қамқоршы адамның немесе асырап алушының жазбаша келісімімен еңбек келісім - шартын жасау арқылы жұмыс істей алады.
Жазғы демалыс қарсаңында 1-12 июнь аралығында №9 орта мектептебінде «Бала еңбегін қанауға қарсы 12 күн» Ұлттық ақпараттық науқанын өткізу жоспары құрылып, іс-шаралар ұйымдастырылды. Науқанды өткізудің негізгі мақсаты – қоғамның назарын, соның ішінде ересектерді, балаларды және олардың ата-аналарын балалар еңбегінің ең нашар түрлерін қолданудың алдын алу мәселелеріне аудару, сондай-ақ осы саладағы құқықтық ақпараттандыру болып табылады. «Балаларды қорғау күні» туралы түсініктерін бекіту. Ойын-сауықта өлең айтып, сурет салу, эссе жазу арқылы белсенділіктерін арттыру. Балаларды өзін құрметтеуге, әлеуметтік мәнділік сезімін, жеке тұлға ретінде көрсете білуге тәрбиелеу мақсатында «1 июнь – Халықаралық балаларды қорғау күніне» орай іс-шаралар ұйымдастырылды. Сондай-ақ, «Бала еңбегін пайдалануға қарсы 12 күн күрес» атты іс-шаралар ұйымдастырылды. Мақсаты: Балалардың адам құқығы, оның ішіндегі бала құқығы жөнінде түсінігін кеңейту, әрбір адам өз құқығын біліп, өзгенің құқығын бұзбауға үйрету, құқықтық тәрбие беру. Мектептің сынып жетекшілері «Бала еңбегінің ең нашар түрлері проблемасы», «Бала құқығы – адам құқығы» атты тақырыпта сынып сағаттарын өткізіп, мектеп оқушыларына заңгерлік кеңестер берді. Апта сайын «Түнгі қаладағы балалар», «Жасөспірім», «Көше» тақырыптарында балалар еңбегін пайдалану фактілерін анықтау бойынша әртүрлі объектілерге, яғни, түнде компьютерлік клубтарға, ойын-сауық орталықтарына рейдтер жүргізілді.