Ғазиз Байтасов

Осыдан 10 жыл бұрын, 12 ноябрь күні Тараз қаласында өз қызметін абыроймен атқарып жүрген полиция капитаны Ғазиз Байтасов қолында гранатасы бар қауіпті террористі өз кеудесімен жауып, ерлікпен қаза тапты. Жыл сайын ерлікпен қаза тапқан Халық Батырын жерлестер еске алып, тағзым етеді. Осы жылы «Жеңіс» саябағында ерлікпен қаза тапқан полиция капитаны Ғазиз Байтасовтың ескерткіші ашылды. Бауыржан Момышұлы атындағы «Жеңіс» саябағына №9 орта мектептің 1 «А» сынып оқушылары, сынып жетекшісі Еселбаева ЖБ., 2 «А» сынып оқушылары, сынып жетекшісі Ашметова А Ж., 4 «А» сынып оқушылары, сынып жетекшісі Баялиева Л.А. бастамасымен Қазақстанның тарихына алтын әріппен жазылған Халық Батыры Ғазиз Байтасовтың ескерткішіне тағзым етіп, өмірі мен енбек жолы туралы сыр шертті. Өз қызметіне адал болған, Отан алдында өз борышын абыроймен атқарған, тұрғындарды құтқарып, өз өмірін қиған аяулы азамат Ғазиз Байтасовтың өмірі мен еңбек жолы болашақ жастарға үлгі өнеге. Оның ерлігі ешқашан ұмытылмайды. Еліміздің Тұңғыш Президенті Н.Ә Назарбаевтың Жарлығымен Отан алдындағы қызметі мен ерлігі, қызметтік міндетіне берілгендігі үшін Ғазиз Байтасовқа «Халық қаһарманы» атағы берілді